Saudi women

سعودی خواتین کیلئے تاریخ‌میں‌پہلی مرتبہ اسٹیڈیم کے دروازے کھل گئے

ریاض(نیوزڈیسک)سعودی عرب کی تاریخ میں پہلی بارخواتین کو کھیل کے میدانوں میں میچ دیکھنے کی اجازت ملنے کے بعد خواتین کی بڑی تعداد اسٹیڈیم پہنچیں اورفٹبال میچ سے لطف اندوز ہوئیں۔

تفصیلات کے مطابق جمعہ کے روزسعودی عرب کے شہرجدہ میں مقامی پروفیشنل لیگ میں الاھلی کلب اور الباطن کلب کے درمیان کھیلے گئے میچ کو دیکھنے کے لیے خواتین کی بڑی تعداد اسٹیڈیم میں موجود تھی۔

عرب میڈیا کے مطابق اسٹٰیڈیم میں خواتین کے لیے الگ جگہ مختص کی گئی تھی جہاں خواتین پر مشتمل علمے کی جانب سے وقتاََ فوقتاََ میچ دیکھنے کے لیے آنے والی خواتین کو رہنمائی فراہم کی گئی۔

اسٹیڈیم میں موجود خواتین کا غیرملکی خبررساں ادارے سے گفتگو کرتے ہوئے کہنا تھا کہ آج ہم بہت خوش ہیں، سعودی عرب میں ایک بڑی تبدیلی رونما ہوئی ہے، اس موقع پر دیگر خواتین نے بھی خوشی کا اظہار کیا۔

خیال رہے کہ وژن 2025 کے تحت سعودی ولی عہد محمد بن سلمان کی جانب سے بڑے اقدامات کیے جارہے جس سے خواتین کو خودمختار بنانے کے ساتھ ملکی معیشت ودیگر سرگرمیوں میں آگےلایا جا رہا ہے۔

یاد رہے سعودی فرماں رواں شاہ سلمان بن عبد العزیز نے گزشتہ سال 27 ستمبر کو خواتین کو ڈرائیونگ کی اجازت دینے کے اجازت دی تھی۔