نمک کا زیادہ استعمال آپ کو بیمار کرسکتاہے

اسلام آباد( نیوز ڈیسک )نمک ایک ایسی چیز ہے جس کے بنا کھانا کسی کام کا نہیں۔ نمک کے جہاںبے شمار فوائد موجود ہیں وہیں اس کا ضرورت سے زیادہ استعمال ہمارے لئے خطرناک ثابت ہوسکتا ہے اور ہمیں صحت سے جُڑے مسائل میں مبتلا کرسکتا ہے۔نمک کا زیادہ استعمال ہائی بلیڈ پریشر کا بھی سبب بنتا ہے۔ اس کے علاوہ یہ ہماری صحت پر اور بھی بہت سے منفی اثرات مرتب کرتا ہے۔

٭بار بار پیشاب آنا
نمک کا زیادہ استعمال ہمارے جسم میں گردے کی کارکردگی کو متاثر کرتا ہے۔ گردے ہمارے جسم سے نمک کی صفائی کا کام کرتے ہیں، اس لئے نمک کا زیادہ استعمال اس عمل میں بے قاعدگی کا سبب بنتا

٭ مسلسل سر درد
وہ لوگ جو نمک کا زیادہ استعمال کرتے ہیں وہ اکثر سردرد میں مبتلا رہتے ہیں۔ اگر آپ بھی غیر معمولی سردرد سے پریشان ہیں تو روز مرہ زندگی میں نمک کا استعمال کم کردیں کیونکہ یہ نمک کے زیادہ استعمال کی ایک علامت ہے۔

٭ غیر معمولی پیاس
نمک کا زیادہ استعمال ہمارے منہ کو خشک رکھتا ہے اور پیاس کی شدت کو بڑھاتا ہے۔ اس لئے ہم پیاس کو بجھانے کے لئے بار بار پانی کا استعمال کرتے رہتے ہیں۔

٭ دماغی کمزوری
نمک کا زیادہ استعمال ہمارے جسم کو ڈی ہائیڈریٹ کرنے کاسبب بنتا ہے۔ جسم میں پانی کی کمی ہمارے دماغ کی کاکردگی پر اثر انداز ہوتی ہی اور ہمارے سوچنے سمجھنے کی صلاحیت کوبھی متاثر کرتی ہے۔