اسلام آبادنے ٹی ٹوئنٹی کے منجھے ہوئے کھلاڑیوں سے ٹیم کویونائیٹڈکردیا

لاہور(نیوزڈیسک) پی ایس ایل کی فرنچائز اسلام آباد یونائیٹڈ نے سمیت پٹیل اور اسٹیون فن کی خدمات حاصل کر لیں۔ اسیلا گونارتنے قومی ذمہ داریوں جبکہ ڈیوڈ ولی کاوئنٹی مصروفیات کے باعث دستیاب نہیں ہوں گے۔

سری لنکن آل راؤنڈر اسیلا گونا رتنے کی عدم دستیابی پر انگلش آل راؤنڈر سمیت پٹیل کی خدمات حاصل کر لیں، تجربہ کار انگلش کرکٹر نے 214 ٹی ٹوئنٹی میچز میں 4174 رنز بنانے کیساتھ 178 شکار بھی کئے ہیں، سری لنکن پلیئر قومی تربیتی کیمپ کی وجہ سے اسلام آباد یونائیٹڈ کو جوائن نہیں کر سکیں گے۔

دوسری جانب انگلش فاسٹ بولر ڈیوڈ ولی کی کاؤنٹی مصروفیات کے باعث فرنچائز نے پورے ٹورنامنٹ میں اسٹیون فن کی خدمات سے فائدہ اٹھائے گی، قبل ازیں ڈرافٹ میں انہیں جزوی طور پر خلا پر کرنے کیلیے کال کیا جانا تھا لیکن ڈیوڈ ولی کسی میچ کیلیے بھی دستیاب نہیں ہوں گے اور ان کی جگہ ان کے ہموطن اسٹیون فن ہی اسکواڈ میں شامل رہیں گے۔