پاک بھارت “پیغام امن “کیلئے راحت فتح علی کی شاندارکاوش

ممبئی (سپورٹس ڈیسک)معروف گلوکار راحت فتح علی خان پاکستان اور بھارت کے درمیان ’پیغام امن ‘ کے لیے بالی وڈ گلوکارہ لتا منگیشکر کا گیت گائیں گے۔

گلوکارہ لتا منگیشکر نے 1961 میں ریلیز ہونے والی فلم ’ ہم دونوں‘ کے لیے گیت ’اللہ تیرو نام‘ گایا تھا جو کئی دہائیاں گزر جانے کے باوجود آج بھی مشہور ہے۔

راحت فتح علی خان اب اس گیت کو اپنی آواز دیں گے جس میں ان کے ساتھ کلاسیکل موسیقاروں کا بینڈ ’ دی فیوژن پروجیکٹ‘ بھی شامل ہوگا۔

اس حوالے سے راحت فتح علی خان کا کہنا تھا کہ دونوں ممالک میں امن صرف میری ہی نہیں اور بھی ان گنت لوگوں کی خواہش ہے جب کہ دونوں ممالک کی ثقافت تقریباً ایک جیسی ہے۔

لتا منگیشکر کے گیت کے حوالے سے انہوں نے کہا کہ میرے خیال میں ہمارا پیغام اس سے بہتر اور مؤثر انداز میں عام ہو سکے گا جس کے باعث اس گیت کو چنا ہے۔