نقطہ نظر /ثاقب شیر دل راٹھور

25

چنے منے کی مبارک

دھوبی کی بیوی سے ملکہ سلطنت نے پوچھا کہ تم آج اتنی خوش کیوں ہو۔ دھوبی کی بیوی نے کہا کہ آج چنا منا پیدا ہوا ہے۔ ملکہ نے اسکو مٹھائی پیش کرتے ہو کہا ماشاء اللہ پھر تو یہ لو مٹھائی کھاو چنا منا کی پیدائش کی خوشی میں۔اتنے میں بادشاہ بھی کمرے میں داخل ہوا۔ تو ملکہ کو خوش دیکھا پوچھا ملکہ عالیہ آج آپ اتنی خوش کیوں ہے کوئی خاص وجہ۔ ملکہ نے کہا سلطان یہ لے مٹھائی کھائیں آج چنا منا پیدا ہوا ہے۔اسلیئے خوشی کے موقع پہ خوش ہونا چاہیے.. بادشاہ کو بیوی سے بڑی محبت تھی۔ بادشاہ نے دربان کو کہا کہ مٹھائی ہمارے پیچھے پیچھے لے آو۔

بادشاہ باہر دربار میں آیا۔بادشاہ بھت خوش تھا۔ وزیروں نے جب بادشاہ کو خوش دیکھا تو واہ واہ کی آوازیں سنائی دینے لگی کہ ظل الہی مزید خوش ہولے۔ظل الہی نے کہا سب کو مٹھائی بانٹ دو۔ مٹھائی کھاتے ہوئے بادشاہ سے وزیر نے پوچھا بادشاہ سلامت یہ آج مٹھائی کس خوشی میں آئی ہے۔ بادشاہ نے کہا کہ آج چنا منا پیدا ہوا ہے۔ ایک مشیر نے چپکے سے وزیر اعظم سے پوچھا کہ وزیرباتدبیر ویسے یہ چنا منا ہے کیا شے ہے… وزیراعظم نے مونچھوںکو تاو دیتے ہوئے کہا کہ مجھے تو علم نہیں ہے کہ یہ چنا منا ہے کیا بلا بادشاہ سے پوچهتا ہوں۔

وزیر اعظم نے ہمت کرکہ پوچھا کہ بادشاہ سلامت ویسے یہ چنا منا ہے کون۔بادشاہ سلامت تھوڑا سا گھبرائے اور سوچنے لگے کہ واقعی پہلے معلوم تو کرنا چاہیے کہ یہ چنا منا ہے کون۔بادشاہ نے کہا مجھے تو علم نہیں کہ یہ چنا منا کون ہے… ۔ میری تو بیوی خوش تهی آ ٓج ..بھت خوشی کی وجہ پوچھی تو اس نے کہا کہ ٓآج چنا منا پیدا ہوا ہے اسلیئے میں اسکی خوشی کی وجہ سے خوش ہوا۔ بادشاہ گھر آیا اواور بیوی سے پوچھا….ملکہ عالیہ یہ چنا منا کون تھا جس کی وجہ سے آپ اتنی خوش تھی اور جس کی وجہ سے ہم خوش ہیں۔ ۔

ملکہ عالیہ نے جواب دیا کہ مجھے تو علم نہیں کہ چنا منا کون ہے۔ یہ تو دھوبی کی بیوی بڑی خوش تھی کہ آج چنا منا پیدا ہوا ہے اسلیئے میں خوش ہوں۔میں بھی اسکی خوشی میں شریک ہوئی۔دھوبی کی بیوی کو بلایا گیا کہ تیرا ستیاناس ہو یہ بتا کہ یہ چنا منا کون ہے جس کی وجہ سے ہم نے پوری سلطنت میں مٹھائیاں بانٹی۔!

دھوبی کی بیوی نے کہا کہ چنا منا ہماری کھوتی کا بچہ ہے جو کل پیدا ہوا ہے۔ اس وجہ سے میں خوش ہو کہ بوجھ کے لیے ایک اور کھوتے کے بچے کا اضافہ ہوا ۔یہی حالت ہمارے سیاسی پارٹیوں کی ہے پہلے سب نے مٹھائی بانٹی اب سوچ رہے ہیں چنا منا کیا چیز ہے