indian village

بھارت کا ایسا گاؤں جہاں پور ی آبادی ایک ہی دن پیداہوئی

اتراکھنڈ(نیوزڈیسک)بھارتی ریاست اتراکھنڈ کے ایک گاؤں گیندی کھاتا میں 800 افراد کے ایک ہی دن پیدا ہونے کا انکشاف ہوا ہے۔

بھارتی میڈیا کے مطابق ریاست اتراکھنڈ کے شہر ہریدوار سے تقریباً 20 کلومیٹر دور واقع گاؤں گیندی کھاتا سے تعلق رکھنے والے 800 افراد کے شناختی کارڈز پرتاریخ پیدائش یکم جنوری درج ہے۔ اتنی بڑی تعداد میں ایک ہی تاریخ پیدائش درج ہونے کی خبر نے میڈیا کی توجہ حاصل کرلی۔

گیندی کھاتا گاؤں کے رہائشی الف دین کے شناختی کارڈ پر بھی تاریخ پیدایش یکم جنوری درج ہے اور صرف ان ہی کے نہیں بلکہ ان کے خاندان کے ہر فرد کے شناختی کارڈ پر یہی تاریخ درج ہے۔ الف دین نے اس بارے میں میڈیا سے بات کرتے ہوئے بتایا کہ ان کے گاؤں کے تمام افراد نے اپنا شناختی کارڈ بنانے کےلیے ووٹر آئی ڈی کارڈ اور راشن کارڈ ایک پرائیویٹ ایجنسی کو دیئے تھے۔ اس ایجنسی سے ہی شناختی کارڈ بنانے کے دوران یہ غلطی ہوئی ہے۔
ایک اور رہائشی قیوم نے کہا کہ جب ہم گاؤں والوں نے اپنے شناختی کارڈ دیکھے تو حیران رہ گئے کیونکہ سب پر تاریخ پیدائش ایک ہی تھی جب کہ کچھ لوگوں کا سنِ پیدائش بھی راشن کارڈ کے مطابق نہیں تھا۔ انہوں نے کہا کہ صرف تاریخ پیدا ئش ہی نہیں بلکہ شناختی کارڈ میں اور بھی بہت سی غلطیاں کی گئی تھیں جیسے میری دادی کی عمر کارڈ میں 22 سال درج تھی جب کہ کچھ لوگوں کی عمر 15 سے 60 سال کے درمیان درج تھی۔