مولانا سمیع الحق کا قاتل ان کا ڈرائیور نکلا

راولپنڈی(سٹیٹ ویوز) جے یو آئی (س) کے سربراہ مولانا سمیع الحق کے قتل میں اہم پیشرفت سامنے آگئی۔ مولاناسمیع الحق کاقاتل ان کاڈرائیور نکلا۔

ذرائع کے مطابق ڈرائیور اہل خانہ سمیت مولاناکے گھرمیں رہائش پذیرتھا۔گرفتار ڈرائیور نے تفتیش کے دوران انتہائی خوفناک انکشافات کئے . ذرائع کے مطابق پولیس نے تفتیش کے دوران حاصل ہونے والے انکشافات کو پبلک نہ کرنے کا فیصلہ کیا ہے .

ذرائع کے مطابق فرانزک سائنس ایجنسی میں مولانا سمیع الحق کے ڈرائیور احمد شاہ کا پولی گرافی ٹیسٹ کیا گیا جس میں احمد شاہ جھوٹ بولتا رہا۔

ذرائع نے بتایا کہ ڈرائیور احمد شاہ سے 2 سوال کیے گئے، کیا وہ قتل کرنے والوں کو جانتا ہے؟ ڈرائیور سے دوسرے سوال میں پوچھا گیا کہ کیا وہ قتل کی منصوبہ بندی میں شامل رہا؟

ذرائع کا کہنا ہےکہ فرانزک سائنس ایجنسی نے 9 دیگر افراد کے بھی ڈی این اے اور پولی گرافی ٹیسٹ کیے جس میں 3 افراد کے ڈی این اے کمرے سے ملنے والے ڈی این اے سے میچ کرگئے ہیں۔

ذرائع نے مزید بتایا کہ تینوں افراد نے پولی گرافی ٹیسٹ میں سچ بولا اور ان کا قتل سے تعلق نہیں نکلا۔واضح رہے کہ مولانا سمیع الحق کو 2 نومبر کو راولپنڈی میں ان کی رہائش گاہ پر چھریوں کے وار کرکے قتل کردیا گیا تھا۔

<iframe src=”https://www.facebook.com/plugins/video.php?href=https%3A%2F%2Fwww.facebook.com%2Fstateview.pk%2Fvideos%2F694688394280614%2F&show_text=0&width=560″ width=”560″ height=”315″ style=”border:none;overflow:hidden” scrolling=”no” frameborder=”0″ allowTransparency=”true” allowFullScreen=”true”></iframe>