سوات میں سیاحوں کا رش، برف باری کا پانچ سالہ ریکارڈ ٹوٹ گیا

سوات(سٹیٹ ویوز) خیبر پختون خوا کی وادی سوات میں حالیہ برف باری نے برف باری کا پانچ سالہ ریکارڈ توڑ دیا، جنت نظیر وادی سیاحوں کی توجہ کا مرکز بن گئی۔

تفصیلات کے مطابق سوات میں حالیہ برف باری نے 5 سال کا ریکارڈ توڑ دیا ہے، دوسرا سوئٹزرلینڈ سمجھی جانے والی وادی میں سیاحوں کا رش بڑھ گیا۔مالم جبہ میں تقریباً 4 فٹ تک، کالام میں 5 فٹ اور نواحی علاقوں میں دو دو فٹ برف پڑگئی۔

سوات کی پُر فضا اور بالائی علاقوں میں مختلف مقامات پر کافی برف پڑی ہوئی ہے، مالم جبہ میں تقریباً 4 فٹ تک، کالام میں 5 فٹ اور نواحی علاقوں میں دو دو فٹ برف پڑنے کے بعد سردی کی شدت میں بے حد اضافہ ہو گیا ہے۔

برف باری کی وجہ سے ملک کے مختلف علاقوں سے بڑی تعداد میں سیاحوں کی آمد کا سلسلہ بھی جاری ہے۔

بالائی علاقوں کی طرف جانے والی شاہ راہوں پر برف پڑنے کی وجہ سے مقامی لوگوں اور دیگر علاقوں سے آنے والے سیاحوں کو سخت مشکل کا سامنا کرنا پڑ رہا ہے۔

سڑکوں پر برف پڑی ہونے کے باعث جگہ جگہ گاڑیاں پھنسی ہوئی ہیں، سیاحوں کو اپنی گاڑیاں نکالنے میں شدید پریشانی کا سامنا ہے۔

شموزی سے آئے ایک نوجوان سیاح نے کہا کہ وہ کئی سال بعد یہاں تفریح کے لیے آیا ہے، اسے بہت لطف محسوس ہو رہا ہے، لیکن برف باری بہت زیادہ ہوئی جس کی وجہ سے گاڑی لانے میں بہت مشکل کا سامنا کرنا پڑا۔