عدالت نقل وحرکت کی اجازت دے، ڈاکٹر عبدالقدیر خان نے درخواست دائر کردی

لاہور(مانیٹرنگ ڈیسک) قومی سائنسدان ڈاکٹر عبدالقدیر خان نے لاہور ہائی کورٹ میں اپنے کیس کی خود پیروی کے لیے متفرق درخواست دائر کردی۔

قومی سائنسدان ڈاکٹر عبدالقدیر خان نے ایڈووکیٹ مدثر چوہدری کی وساطت سے ہائیکورٹ میں درخواست دائر کی جس میں انہوں نے کہا کہ حکومت نے گھر میں نظر بند کر رکھا ہے اور نقل وحرکت کی اجازت نہیں دی جارہی

نظر بندی کے خلاف لاہور ہائی کورٹ میں درخواست زیر سماعت ہے، اپنے کیس کی پیروی کے لیے خود ہائیکورٹ میں پیش ہونا چاہتا ہوں۔ڈاکٹر عبدالقدیر خان نے کہا کہ عدالت کیس کی پیروی کے لیے ذاتی حیثیت میں پیش ہونے اور نظر بندی ختم کرکے نقل وحرکت کی اجازت دے۔

اپنا تبصرہ بھیجیں