خارجہ شاہ محمود قریشی اگلے وزیر اعظم کے امیدوار،سینئیر صحافی کا دعویٰ

لاہور(نیوزڈیسک) سینئیر صحافی ڈاکٹر دانش نے دعویٰ کیا ہے کہ موجودہ وزیر خارجہ شاہ محمود قریشی وزیراعلیٰ پنجاب بننے کے خواہشمند تھے تاہم انکی پارٹی میں موجود چند اہم لوگوں کی مخالفت سے یہ خواب پورا نہ ہوا لیکن اب وہ وزیراعظم کےاہم امیدوارہونگے۔ ڈاکٹر دانش نے دعویٰ کیا ہے کہ شاہ محمود قریشی وزیراعظم پاکستان بننے کے بڑے امیدوارہیں۔

خیال رہے کہ جب پاکستان تحریکِ انصاف حکومت میں آئی تو قیاس کیا جا رہا تھا کہ شاہ محمود قریشی وزیراعلیٰ پنجاب بنیں گے لیکن ایسا نہ سکا اور عثمان بزدار کو وزیراعلیٰ پنجاب بنا دیا گیا۔ اب گزشتہ کچھ عرصے سے عثمان بزدار پر استعفے کے لیے دباؤ بڑھتا جا رہا ہے جبکہ وزیراعظم کے ھوالے سے بھی دعویٰ کیا گیا ہے کہ وہ جلد عثمان بزدار کو ہٹا دیں گے۔ دوسری جانب وزیر اعلیٰ پنجاب عثمان بزدار کا کہنا ہے کہ ایک سال میں وہ کام کیا جو سابق حکومتیں کئی سال میں نہ کر سکیں۔

میڈیا رپورٹس میں بتایا گیا ہے کہ وزیر اعلیٰ پنجاب سے صوبائی وزیر قانون و پارلیمانی امور نے ملاقات کی۔راجہ بشارت نے محکمہ قانون و پارلیمانی امور کی کارگردگی سے متعلق رپورٹ وزیر اعلیٰ پنجاب کو پیش کی۔ سردار عثمان بزدارا نے اس موقع پر کہاکہ ایک سال میں وہ کام کیا جو سابق حکومتیں کئی سال نہ کر سکیں۔ پنجاب اسمبلی نے پہلے سال ریکارڈ قانون سازی کی۔

وزیر اعلیٰ پنجاب نے مزید کہا کہ پنجاب اسمبلی نے ایک سال میں انتہائی اہمیت کے 19 بل منظور کیے۔تقریباََ 32 اہم بل تیاری کے مراحل میں ہیں۔ وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان کا ان کے بارے میں کہنا ہے کہ پنجاب حکومت کی ایک سالہ کارکردگی انتہائی تسلی بخش ہے،عثمان بزدار ایک درویش صفت انسان ہیں اور وہ ہمیشہ عوام کا سوچتے ہیں۔ ڈاکٹر دانش نے یہ بھی دعویٰ کیا ہے کہ شاہ محمود قریشی وزیراعظم بننے کےلیے بڑے امیدوار ہیں-

اپنا تبصرہ بھیجیں