پیپلزپارٹی کے رہنماء‌کے گھر تین ماہ میں‌میں‌تیسری چوری

حیدر آباد(ویب ڈیسک )تاج حیدر کے گھر میں ہونے والی چوری کی تینوں وارداتوں کی تاریخ ایک ہی تھی۔ پاکستان پیپلزپارٹی کے سینئر رہنما تاج حیدر کے گھر میں ایک بار پھر چوری کی واردات ہو گئی۔گزشتہ روز تاج حیدر کے گھر لگا تار تین ماہ کے دوران چوری کی تیسری واردات ہوئی۔پیپلز پارٹی کے سینئر رہنما تاج حیدر پارٹی کے اجلاس سے واپس آئے تو گھر کا تالا کٹا ہوا تھا اور گھر کے اندر سامان بکھرا پڑا تھا۔

تاج حیدر کا کہنا ہے کہ لگاتار تین ماہ میں چوری کی تیسری واردات ہوئی ہے، گزشتہ دو وارداتیں بھی 9 تاریخ کو ہوئی تھیں، اس بار بھی 9 تاریخ کو ہی واردات ہوئی ہے۔چوروں نے پی پی رہنما تاج حیدر کے گھر کا صفایا کر دیا-ان کا کہنا ہے کہ تیسری بار پولیس کو اطلاع دی گئی ہے لیکن پولیس تاحال ملزمان کو گرفتار نہیں کر سکی۔

چوری کا مقدمہ تاج حیدر کی مدعیت میں گزری تھانے میں درج کر لیا گیا ہے۔پولیس کا کہنا ہے ملزمان تاج حیدر کے گھر سے کوئی قیمتی چیز لیکر نہیں گئے، واقعے کے وقت گھر میں کوئی موجود نہیں تھا، تاج حیدر کی اہلیہ بھی اپنی والدہ کے گھر گئی ہوئی تھیں۔

اپنا تبصرہ بھیجیں