نجی ہسپتال میں آکسیجن نہ ملنے سے 4نومولود جاں بحق

جیکب آباد(نیوزڈیسک)جیکب آباد کے علاقے ٹُھل کے نجی اسپتال میں مبینہ طور پر آکسیجن نہ ملنے پر 4 نومولود جاں بحق ہو گئے۔

نجی اسپتال کی انتظامیہ کے مطابق چاروں نومولود انکیوبیٹر میں تھے، آکسیجن ختم ہونے پر دوسرا آکسیجن سلینڈر لگا رہے تھےکہ بچے انتقال کر گئے۔نومولود بچوں کے انتقال پر ورثاء نجی اسپتال کی انتظامیہ کے خلاف سراپا احتجاج ہو گئے۔

ورثاء کی جانب سے الزام عائد کیا جا رہا ہے کہ ان کے بچے نجی اسپتال کی انتظامیہ کی غفلت کے باعث جان سے چلے گئے لہذا اسپتال انتظامیہ کے خلاف کارروائی کی جائے۔

دوسری جانب ڈپٹی کمشنر جیکب آباد نے واقعے کا نوٹس لیتے ہوئے نجی اسپتال کو سیل کر دیا۔ڈپٹی کمشنر نے اسسٹنٹ کمشنر سمیع اللہ سنجرانی کو واقعے کی انکوائری کا حکم دیتے ہوئے دو روز میں واقعے کی رپورٹ طلب کر لی ہے۔

اپنا تبصرہ بھیجیں