لاہورکیمپ جیل میں فوادحسن فوادکے بیرک کے باہرآتشزدگی،سعدرفیق زخمی

لاہور(نیوزڈیسک)لاہور کی کیمپ جیل میں سابق وزرائے اعظم کے پرنسل سیکریٹری فواد حسن فواد کی بیرک کے باہر آتشزدگی کے واقعے میں سابق وفاقی وزیر اور ممبر قومی اسمبلی سعد رفیق بھی زخمی ہو گئے۔

ذرائع کے مطابق کیمپ جیل لاہور میں نیب کی بیرک میں آگ لگی، آگ نواز شریف کے سابق پرنسپل سیکریٹری فواد حسن فواد کی بیرک کے باہر لگی۔ذرائع کا کہنا ہے کہ مسلم لیگ ن کے رہنما خواجہ سعد رفیق ایمرجنسی فون کال کرتے ہوئے سر پر چوٹ لگنے سے معمولی زخمی ہوئے۔ذرائع کا بتانا ہے کہ جیل کے عملے نے آگ پر قابو پایا، ریسکیو ٹیم نہیں بُلائی گئی۔

خیال رہے کہ دو سابق وزرائے اعظم نواز شریف اور شاہد خاقان عباسی کے پرنسپل سیکریٹری فواد حسن فواد کو آشیانہ ہاؤسنگ اسکیم اسکینڈل میں اختیارات کے ناجائز استعمال کے الزام میں 5 جولائی 2018 کو گرفتار کیا گیا تھا۔خواجہ سعد رفیق کو بھی نیب نے پیراگون ہاؤسنگ سوسائٹی اسکینڈل میں 11 دسمبر 2018 کو حراست میں لیا تھا۔ اس وقت بھی دونوں لیگی رہنما نیب کی تحویل میں ہیں اور ان کے خلاف مقدمات چل رہے ہیں۔

اپنا تبصرہ بھیجیں