جسٹس عمر عطا بندیال نئے چیف جسٹس آف پاکستان تعینات، صدر نے منظوری دیدی

اسلام آباد (سٹآف رپورٹر) صدر مملکت ڈاکٹر عارف علوی نے جسٹس عمر عطا بندیال کی بطور چیف جسٹس آف پاکستان تعیناتی کردی۔

صدر مملکت عارف علوی نے تعیناتی آئین کے آرٹیکل 175 اے کے تحت کی۔ جسٹس عمر عطا بندیال کی تعیناتی 2 فروری 2022ء سے مؤثر ہوگی۔

موجودہ چیف جسٹس آف پاکستان جسٹس گلزار احمد یکم فروری 2022ء کو ریٹائر ہو جائیں گے۔جسٹس عمر عطا بندیال سپریم کورٹ کے سینئر ترین جج ہیں۔

خیال رہے کہ گزشتہ روز وزارت قانون نے جسٹس عمر عطا بندیال کی بطور چیف جسٹس پاکستان تعیناتی کے لیے سمری تیار کی۔ سیکرٹری وزارت قانون و انصاف نے سمری منظوری کے لیے ایوان صدر بھی ارسال کی تھی۔

اپنا تبصرہ بھیجیں