سیالکوٹ میں تیار شدہ ’الریحلہ‘ فٹ بال سے فیفا ورلڈ کپ کھیلا جائے گا

قطر میں کھیلے جانے والے فیفا ورلڈ کپ 2022 میں سیالکوٹ کا تیار کردہ فٹ بال “الریحلہ” استعمال کیا جائے گا۔گوادر پرو کے مطابق قطر میں شیڈول فٹ بال ورلڈ کپ 2022 میں سیالکوٹ میں تیار ہونے والی فٹ بال ‘الریحلہ’ استعمال ہوگی اور یوں عالمی ایونٹ میں پاکستانی کی نمائندگی ہوگی۔

سیالکوٹ ایک ایسا شہر ہے جو دنیا میں کھیلوں کے بہترین سامان کا گھر مانا جاتا ہے، یہاں ہر سال تقریباً 600 ملین فٹ بالز تیار کہا جاتا ہے جو دنیا کی کل پیداوار کا نصف سے زیادہ ہے۔ورلڈ کپ میں سیالکوٹ میں تیار ہونے والا فٹ بال تیسری بار استعمال ہو رہا ہے جس میں فیفا ورلڈ کپ میں فارورڈ اسپورٹس کا برانڈ استعمال کیا جائے گا۔

الریحلہ بال کو قطر کی ثقافت کے مطابق ڈیزائن کیا گیا ہے، اس کی تیاری میں استعمال ہونے والا مواد بائیو بیسڈ ری سائیکلنگ میٹریل ہے اور اس کی تیاری میں ماحول دوست پانی پر مبنی کیمیکل استعمال ہوا ہے۔
یہ بال 20 پینلز پر مشتمل ہے اور اسے دنیا کے بہترین فٹ بال میں سے ایک قرار دیا گیا ہے۔

واضح رہے کہ سیالکوٹ ملکی برآمدات کے حوالے سے اہم شہر ہے جہاں والی بال، ہاکی اسٹکس، کرکٹ بیٹ اور کھیلوں میں استعمال ہونے والا لباس سمیت کھیلوں کا سامان بنانے کے لیے بھی مشہور ہے۔یاد رہے کہ قطر میں فیفا ورلڈ کپ 20 نمبر سے شروع ہوگا جبکہ فائنل میچ 18 دسمبر کو ہوگا۔

اپنا تبصرہ بھیجیں