ناروے ڈانس گروپ کی ماہرہ خان کے ساتھ ڈانس کی ویڈیو وائرل

ناروے ڈانس گروپ نے ماہرہ خان کے ساتھ ڈانس کی ویڈیو شیئر کر دی، جو تیزی سے وائرل ہو گئی ہے۔ناروے کے ڈانس گروپ ’دی کوئیک اسٹائل‘ نے پاکستانی اداکارہ ماہرہ خان کے ساتھ ڈانس کی ویڈیو شیئر کی ہے، جسے 3 لاکھ سے زائد انسٹاگرام صارفین نے لائک کیا۔

دی کوئیک اسٹائل نے منگل کے روز یہ رِیل اپ لوڈ کی، جس میں وہ زیب النسا بنگش کے گانے ’مورے سیاں‘ پر ماہرہ خان کے ساتھ ڈانس کر رہے ہیں، ڈانس گروپ نے صارفین سے پوچھا کہ ’کون دل چسپ لگ رہا ہے؟ ماہرہ خان یا کوئیک اسٹائل۔

واضح رہے کہ دی کوئیک اسٹائل ڈانس گروپ 2006 میں پاکستانی نژاد نارویجین بھائیوں سلیمان ملک، بلال ملک اور ان کے تھائی نژاد نارویجین دوست ناصر سری خان نے بنایا تھا، جس کی سب سے خاص بات یہ ہے کہ اس میں مختلف رنگ و نسل کے لوگ شامل ہیں۔

سوشل میڈیا پر اس گروپ کو لوگ بہت پسند کر رہے ہیں، اس سے قبل جون میں دی کوئیک اسٹائل کی ٹک ٹاک ویڈیو بھی وائرل ہوئی تھی جس میں وہ کوک اسٹوڈیو کے گانے ’کناں یاری‘ پر ناچ رہے تھے۔

اپنا تبصرہ بھیجیں