مہلک انفیکشن کا وار، 8 بچے ہلاک

لندن: کرونا وبا کے بعد برطانیہ کو ایک اور وبا کا سامنا ہے، جس کے نتیجے میں 8 بچے ہلاک ہوگئے ہیں۔غیر ملکی خبر رساں ادارے کے مطابق برطانیہ میں اسٹریپ اے انفیکشن تیزی سے پھیلنے لگا، نئےبیکیڑیا انفیکشن سے اب تک آٹھ بچےانتقال کرچکے، جن میں ایک پاکستانی نژاد بچہ بھی شامل ہے۔

میڈیا رپورٹس کے مطابق اسٹریپ اے انفیکشن کے اثرات عموماً مہلک نہیں ہوتے لیکن بعض کیسز میں بیکٹریا سے متاثرہ مریض شدید بیمارہو جاتا ہے، برطانوی حکومت کی جانب سے انفیکشن کے حوالے سے وارننگ بھی جاری کردی گئی ہے۔برطانوی ہیلتھ ایجنسی کے مطابق گروپ اسٹریپ اے کی علامات میں گلے میں خراش اور جلد کی انفیکشن شامل ہیں، مرض سے بخاربھی ہوسکتا ہے، جس کا علاج اینٹی بائیوٹکس سے کیا جا سکتا ہے۔

اسٹریپ تھروٹ کیا ہے ؟
اسٹریپ تھروٹ گلے کا ایک انفیکشن ہے جو کہ بیکٹریا، یا جراثیم کے سبب ہوتا ہے، اس انفیکشن کی اہم علامات بخار اور گلے کی خراش ہیں۔گلے کی خراش 4 سے 8 سال کی عمر کے بچوں میں بہت عام ہے، اور دو سال سے کم عمر کے بچوں میں معدوم ہے۔

اپنا تبصرہ بھیجیں