خیبرپختونخوا اسمبلی تحلیل،وزیر اعلی کس کے حکم کے انتظار میں ہیں؟جانیے

پشاور: خیبرپختونخوا حکومت نے صوبائی اسمبلی کو آج تحلیل نہ کرنےکا فیصلہ کیا ہے۔ذرائع کے مطابق خیبرپختونخوا حکومت وزیراعلیٰٰ پنجاب کو ڈی نوٹیفائی کیے جانے کے بعد کی صورتحال کا جائزہ لے رہی ہے اور صوبائی حکومت نے فی الحال اسمبلی تحلیل کرنے کے لیے اب تک ایڈوائس تیار نہیں کی ہے۔

اس حوالے سے وزیراعلیٰ کے پی محمود خان نے کہا ہےکہ خیبرپختونخوا اسمبلی آج تحلیل نہیں کررہے، اس سلسلے میں عمران خان کے حکم کا انتظار ہے، عمران خان نے جیسے ہی حکم دیا گورنرکو اسمبلی تحلیل کرنےکی ایڈوائس بھیج دوں گا۔

واضح رہے کہ چیئرمین پی ٹی آئی عمران خان کی جانب سے اعلان کے بعد وزیراعلیٰ خیبرپختونخوا محمود خان نے آج اسمبلی تحلیل کرنےکا اعلان کیا تھا۔پرویز الہٰی وزیراعلیٰ نہیں رہے،گورنر پنجاب نے ڈی نوٹیفائی کر دیا،نوٹیفکیشن جاری

اپنا تبصرہ بھیجیں