تحریر: خواجہ طارق لون
وزیر اعظم آزاد کشمیر چوہدری انوار الحق کا کہنا ہے کہ سیاسی کارکن ہونے کے ساتھ ساتھ جمہوریت پسند بھی ہوں کرپشن نہ خود کرتا ہوں نہ کسی کو کرنے دونگا اقتدار امانت ہے. اس میں کبھی بدیانتی نہیں کر سکتا کسی کو میرا چہرہ پسند نہیں تو نیا چہرہ پیش کرے اگر چاٸے کی پیالی کے گرد 27ارکان اگٹھا ہوکر سفید کاغذ پر قرارداد لکھ کر دستخط کرکے دے دیں تو بنا کچھ ساتھ لیے سیدھا گھر چلا جاؤ نگا۔یہ بلند و بانگ دعویٰ وہ ہر تقریب پریس بریفنگ اور ہنگامی پریس کانفرنسز میں کر چکے ہیں وزیر اعظم آزاد کشمیر چوہدری انوار الحق کے دعوٶں پر آزاد حکومت کے سیاسی حلقوں میں کبھی کبھار ہل چل مچ جاتی ہے اور کبھی چپ سادھ لی جاتی ہے آزاد کشمیر میں گزشتہ دو سالوں سے ایک عوامی تحریک خاموشی سے پروان چڑھ رہی ہے بنا کسی خون خرابہ توڑ پھوڑ دھینگا مشتی عوامی خواہشوں پر مبنی مطابات کو تسلیم کروایا جا رہا ہے.
77سالوں میں پہلی بار ایسا دیکھنے میں آیا ہے کہ مختلف قبیلوں علاقوں ذاتوں مسالک میں تقسیم قوم کشمیری بن کر ابھری جو نہ پروٹوکول کی قاٸل ہے نہ سٹیج سجا کر محض اپنی سیاسی ساکھ کو بڑھانا چاہتی ہے اس تحریک کا نہ کو لیڈر ہے نہ کسی کا کوٸی مخصوص ایجنڈہ اس تحریک میں نہ رنگ و نسل نہ ذات پات نہ لسانی و علاقاٸیت کا درس دیکھنے سننے میں آیا ہے یہ تحریک اس وقت ابھر کر سامنے آٸی جب چوہدری انوار الحق نے رات گٸے چند لمحوں میں 49اراکین اسمبلی کو اگٹھا کرکے اعتماد کا ووٹ حاصل کر کے اگلے ہی لمحہ وزارت اعظمیٰ کا ہار اپنے گلے میں ڈالا اپنا خطاب شروع کیا جس میں انہوں نے کرپشن کے خلاف زیرو ٹالرنس بیوروکریسی اور سیاستدانوں میں شامل کرپٹ عناصر کو الٹا لٹکانے آزاد کشمیر میں نوکریاں میرٹ پر دیٸے جانے سفارشی کلچر کے خاتمہ ملازمین میں ڈاٶن ساٸزنگ بے مقصد وزارتیں اور بے مقصد محکمہ جات کو ختم کرنا بلاوجہ کے اضافی اخراجات طبقہ اشرافیہ کی عیاشیوں کو ختم کرنا سابق صدور و وزراء اعظم ریٹائئرڈ بیوروکریسی اور ججوں کی غیر ضروری مراعات واپس لینے جیسے اعلانات شامل تھے۔
تقریباً یہی مطالبات کاسہ لیس سیاسی جماعتوں سے ہٹ کر صحیح نظریاتی بنیادوں پر محب وطن سیاسی جماعتوں کے رہے ہیں جو گزشتہ سات عشروں سے زاٸد عرصہ سے عوامی حلقوں میں بذریعہ احتجاجی جلسوں جلوسوں اور واٸیٹ پیپرز شاٸع کر کے کرت آرہے ہیں جو اب جواٸینٹ عوامی ایکشن کمیٹی کے مطالبات کا حصہ ہیں چوہدری انوار الحق جس طریقہ سے اقتدار کے ایوان میں داخل ہوٸے وہ کوٸی انہونی بات نہیں بلکہ ماضی میں ریٹاٸرڈ بریگیڈئیر و میجر جنرلز بھی ریٹائر ہونے کے فوری بعد اسی پکڈنڈی سے ایوان میں داخل کیے گٸے تھے آزاد کشمیر میں اقتدار اعلیٰ کی سیڑھیاں کبھی بھی عوامی منشاء یا طاقت کے بل بوتہ پر نہیں چڑھی جاتیں اس کیلٸے کبھی متمول کبھی اچھا ثالث اچھا وفادار اور کبھی نسبتاً بہتر ہونا ضروری ہے بڑی سطح کی تبدیلی سے قبل چہ مٸہ گویاں شروع ہونا شروع ہوتی ہیں گڈ گورننس کے اوصاف بیان کیے جاتے ہیں بیڈ گورننس کو بڑھا چڑھا کر پیش کیا جاتا ہے عوامی مسائل کے بڑھنے کا ڈھنڈورہ پیٹا جاتا ہے اراکین اسمبلی کے انٹرویوز کیے جاتے ہیں ان کے تحفظات کو مدنظر رکھ کر نٸی اساٸنمنٹ دی جاتی ہے ہدف پورا ہونے پر گھنٹہ بجا دیا جاتا ہے تبدیلی کے فوری بعد انہی غریب شہریوں کے مساٸل میں کٸی گنا اضافہ سکیل 1تا16 کی تنخواہوں میں معمولی شرح جبکہ اعلیٰ بیوروکریٹ کی مراعات میں کٸی گنا اضافہ کردیا جاتا ہے اس کے ساتھ ساتھ اراکین اسمبلی سمیت سابق بیوروکریٹس ججز صدور اور وزراء اعظم کی مراعات کو دوگنا کر دیا جاتا ہے اور تبدیلی کا سارا بوجھ مختلف ٹیکسوں کی شکل میں عوام پر ایسے ڈال دیا جاتا ہے جیسے یہ تبدیلی ان کی مرضی اور خواہش کوپورا کرنے کے لیےتھی۔
جواٸنٹ عوامی ایکشن کمیٹی نے جس خوبصورت انداز میں عوامی مقدمہ حکومت کو پیش کیا اور جس سرعت سے حکومت نے اس پر عمل درامد کیا وہ خاصہ دلچسپ اور ناقابل یقین حد تک حیران کن ہے کہ31رکنی جواٸنٹ عوامی ایکشن کمیٹی جس کے پاس نہ کوٸی سیاسی مینڈیٹ ہے نہ وہ عوام کی چنیدہ ہے نے بڑے بڑے سیاسی کھڑ پینچوں کی چارپاٸیوں کی چولیں ہلا کر رکھ دیں سیاسی جماعتوں کے سربراہوں کی اپنے کارکنان کو تحریری وارننگ کے باوجود سیاسی بنیادوں پر منتخب ہونے والے ان بلدیاتی نماٸندوں نے یونین کونسلز سے لیکر ضلعی عہدیداران تک جواٸینٹ عوامی ایکشن کمیٹی کے ساتھ سیسہ پلاٸی دیوار کاکردار ادا کیا ہر سطح پر ان کے ساتھ کھڑے رہے جس سے ایک طرف ان کی اپنی مقبولیت میں بے پناہ اضافہ ہوا جبکہ ان سیاسی جماعتوں کی عوامی و سیاسی حلقوں میں کارکردگی کھل کر سامنے آگٸی اس تحریک کے خلاف بیانات دینے والے وزراء اور ایم ایل ایز کو بھی سرکاری و نجی محفلوں میں ندامت کا سامنا کرنا پڑا جس کے باعث وہ عوامی حلقوں میں داخل ہونے سے کترانے لگے بلکہ تعمیر و ترقی کے بلند و بانگ دعوے بھی اپنے منطقی انجام کو جا پہنچے۔
وزیر اعظم آزاد کشمیر اپنی سرکاری ٹیم اور سیاسی جماعتوں کے چند ایک راہنماٶں کی خواہشات سے بھی تقریباً اگاہ ہوچکے ہیں کہ وہ آزاد کشمیر میں کس حد تک سیاسی ساکھ رکھتے ہیں وزیر اعظم آزاد کشمیر کے ویژن کو دیکھا جاٸے تو صاف نظر آتا ہے کہ کس حد تک آزاد کشمیر کی سیاست سے دل برداشتہ ہیں ایسےاقتدار میں رہنا ان کی قطعی خواہش نہ ہے اور وہ اقتدار کو محض چند سیاستدانوں کیلٸے ایک میوزکل چٸیر گیم بھی نہیں بننتا دیکھنا چاہتے وہ چاہتے ہیں کہ صاف ستھری باکردار ایسی سیاسی قیادت معرض وجود میں آٸے جسے پوری قوم کی تاٸید و حماٸت حاصل ہو چوہدری انوار الحق نے اپنے آپ کو سیاست سے الگ کرنے اور اقتدار کو اہل سیاست دانوں کے حوالہ کرنے کا جو عندیہ دیا ہے اس سے لگتا ہے کہ انہوں نے پاکستان کے سیاسی حالات کا بغور مطالعہ کر رکھا ہے یا ان کے مشیروں نے مروجہ سیاسی بساط کو اپنے بس میں رکھنے کا جو گر بتایا ہے جب تک مطلوبہ اہداف پورے نہیں ہونگے وہ اقتدار میں ہی رہیں گے.
