سری لنکا (سٹیٹ ویوز)ایشیا کپ ون ڈے 2023 کے دورا ن دوسرے میزبان ملک سری لنکا کے شہر کولمبو اور کینڈی پالے کیلے میں شدید بارشوں کے باعث ایشیا کپ کا دوسرا مرحلہ کسی دوسرے مقام پر منتقل کیے جانے کا امکان ظاہر کیا جا رہا ہے، سپر فور مرحلہ سری لنکن شہر ڈمبولا میں کروانے کے آپشن پر غور کیا جارہا ہے .ٹورنامنٹ کا سب سے اہم پاک بھارت کرکٹ میچ بھی بارش کی نظر ہوا تھا اور تماشائیوں کو مایوسی ہوئی تھی کی صرف ایک اننگز ہی مکمل ہو کسی ہے.
پاک بھارت میچ مکمل نہ ہونے سے براڈ کاسٹرز اور ایدورٹائزمنٹ کرنے والوں کو بھی شدید نقصان اٹھانا پڑا ہے.ایشین کرکٹ کونسل آفیشلز نے اہم ٹورنامنٹ کے دوران میچز بارش کی نظر ہونے کی وجہ سے کینڈی پالے کیلے اسٹیڈیم سے بھی میچز منتقل کیے جانے پر غور شروع کر دیا ہے.
ذرائع کے مطا بق ایشین کرکٹ کونسل نے کولمبو میں بارشوں کے طویل سلسلے کے باعث سوچ بچار شروع کردی ، کولمبو میں بارشوں کے باعث سڑکیں تالاب کا منظر پیش کر رہی ہیں ، پریماداسا کرکٹ اسٹیڈیم بھی بارش کے پانی سے بھر چکا ہے
ذرائع کے مطابق میچز کے مقام تبدیل کیے جانے بارے ایشین کرکٹ کونسل اور پی سی بی حکام کے درمیان ہنگامی رابطہ کیا گیا ہے اور میچز کے مقام تبدیل کرنے پر مشاورت شروع کر دی گئی ہے.
