ایس ایس پی راولاکوٹ خاور علی شوکت نے منشیات فروشوں کو جڑ سے اکھاڑنے کا آغاز کردیا

راولاکوٹ(سٹیٹ ویوز)ایس ایس پی راولاکوٹ خاور علی شوکت نے پریس بریفنگ دیتے ہوئے کہاکہ منشیات فروشوں کیخلاف گھیراؤ تنگ کرنے کیلئے پولیس کا منشیات فروشوں کے خلاف آپریشن ، منشیات فروشوں کا نیٹ ورک گرفتار ، 11 کلو چرس ، 42بوتل شراب، 10 لیٹر شراب، 13 پستول ،1 کلاشنکوف ، 3 رائفل، 1 رپیٹر اور 134 گولیاں برآمد، 1 گرینیڈ ، 56 ہزار ڈرگ منی برآمد کی گئی۔ ان کا مزید کہنا تھا کہ گزشتہ 4 ماہ میں منشیات فروشوں کے خلاف 87 مقدمات میں 99 ملزمان گرفتار ہوئے ۔30 کلو چرس ، 195 بوتل شراب، 10 لیٹر ، 1 کلو ہیروئن، 65 گرام آئس برآمد ہوئی۔ اسلحہ ناجائز کے 34 مقدمات میں 35 ملزمان گرفتار ہوئے جن سے 1 کلاشنکوف ، 10 رائفلز ، 34 پستول ،2 ایم پی 5 رائفلز ،7 خنجر ،1 گرینیڈ، 10 میگزینز اور 216 گولیاں برآمد ہوئیں۔