لاہور (سٹیٹ ویوز) پولیس اہلکاروں پر حملے میں ملوث پاک فوج کے اہلکاروں سمیت بہاولنگر کا واقعہ پورے انٹرنیٹ پر چھایا ہوا ہے، اور اب ایس ایچ او، اے ایس آئی اور مدرسہ تھانے میں تعینات متعدد پولیس اہلکاروں کو گرفتار کر لیا .
پولیس والوں کو PPC کی دفعہ 342 (غلط قید کی سزا) اور پولیس آرڈر 2002 کی دفعہ 155C (پولیس کی طرف سے مخصوص قسم کی بدانتظامی کی سزا) کے تحت گرفتار کیا گیا۔
سینئر حکام نے اس سے قبل سابق ایس ایچ او رضوان عباس، اے ایس آئی محمد نعیم اور کانسٹیبل محمد اقبال اور علی رضا کو افراد کی غیر قانونی گرفتاری پر معطل کر دیا تھا، اور تینوں کو مقامی مجسٹریٹ کے سامنے پیش کرنے میں ناکام رہے ۔پولیس اہلکاروں نے اپنے اختیارات کا غلط استعمال کیا اور اپنے فرائض کی انجام دہی میں کوتاہی برتنے اور پاک فوج کے اہلکاروں سے متعلق کیس کو غلط طریقے سے نمٹانے کی پاداش میں معزول کرکے گرفتارکرلیا
ایف آئی آر میں کہا گیا ہے کہ اے ایس آئی نعیم نے دیگر اہلکاروں کے ساتھ 8 اپریل کو ایک شہری محمد انور جٹ کے گھر پر چھاپہ مارا۔ ایس ایچ او مدرسہ تھانہ رضوان عباس اور دیگر اہلکار طاقت کے ساتھ جائے وقوعہ پر پہنچے اور گھر میں گھسنے کے لیے دیواریں توڑ دیں جس کے بعد خواتین کو مبینہ طور پر تشدد کا نشانہ بھی بنایا گیا۔
ہنگامہ آرائی کے بعد مقامی لوگ اکٹھے ہو گئے اور ایس ایچ او اور پولیس اہلکاروں کو ایک کمرے میں بند کر دیا اور ویڈیو بھی بنائی۔ بعد ازاں پنجاب پولیس کے دیگر اہلکار جائے وقوعہ پر پہنچ گئے اور پولیس نے گرفتاریاں کیں اور مبینہ طور پر گھر میں موجود افراد کو تشدد کا نشانہ بنایا۔ ایس ایچ او رضوان عباس اور دیگر پر بھی مبینہ طور پر حملہ کیا گیا۔
پولیس نے محمد انور جٹ، اس کے بیٹے، محمد خلیل ایک آرمی اہلکار، اینٹی نارکوٹکس کے ملازم محمد ادریس اور دیگر کو بھی حراست میں لے کر مدرسہ تھانے منتقل کیا، جہاں 23 افراد کے خلاف مقدمات درج کیے گئے۔
